Áleýmettik qyzmet kórsetetin uıymdarda turatyndar sany byltyr 218 adamǵa artty
ASTANA. 2 shilde. QazAqparat - 2011 jyly Qazaqstan Respýblıkasynda turǵylyqty turýdy qamtamasyz etýmen birge áleýmettik qyzmet kórsetetin 293 uıym esepte tur.
Onyń ishinde qarttar men múgedekterge arnalǵan 87 ınternat-úıi jáne múgedekterge arnalǵan 27 balalar ınternat-úıi, sondaı-aq osyndaı qyzmet kórsetetin uıymdardyń basqa 179 túri bar. Sonymen qatar, 2010 jylmen salystyrǵanda uıymdar sany 8 birlikke ulǵaıdy (2,8 paıyz), sonyń ishinde qarttar men múgedekterge arnalǵan ınternat-úıi - 3 birlikke (3,6 paıyz), basqa uıymdar túri - 5 birlikke (2,9 paıyz) artty. Bul týraly Statıstıka agenttiginen qabyldandy.
Agenttik baspasóz qyzmetiniń habarlaýynsha, atalǵan uıymdardyń barlyǵy (100 paıyz) elektr qýatymen jabdyqtalǵan, 288-inde (98,2 paıyz) - káriz jáne 289-ynda (98,6 paıyz) - sý qubyry, jáne 175-inde (59,7 paıyz) ortalyq jylytý júıesi bar. 2010 jylmen salystyrǵanda kárizben 8 uıym, sý qubyrymen - 9 uıym, ortalyq jylytý júıesimen - 3 uıym qosymsha kamtamasyz etildi.
Jyl sońyna qaraı osy uıymdarda turatyndar sany 34477 adamdy qurady. Onyń ishinde áıelder - 15678 adam (45,5 paıyz), jasy boıynsha zeınetkerler - 5990 adam (17,4 paıyz), Uly Otan soǵysynyń ardagerleri men múgedekteri - 117 adam (0,3 paıyz).
Bul uıymdardaǵy turatyndar sany 2010 jylmen salystyrǵanda 218 adamǵa nemese 0,6 paıyzǵa artty. Sonyń ishinde jasy boıynsha zeınetkerler sany 175 adamǵa (3 paıyz) kóbeıdi.
