Áleýmettik kómek suraǵan «kedeı» otbasynyń kottedji bar bolyp shyqty
ASTANA. QazAqparat - Qazaqstanda memleketten ataýly kómek suraǵan turmys jaǵdaıy tómen otbasynyń záýlim kottedji men qymbat kóligi bar bolyp shyqty, dep habarlaıdy QazAqparat tilshisi.
Búgin Ortalyq kommýnıkatsııalar qyzmetinde ótken baspasóz máslıhatynda QR Eńbek jáne halyqty áleýmettik qorǵaý vıtse-mınıstri Svetlana Jaqypova áleýmettik qyzmetkerler anyqtaǵan qyzyqty fakti týraly aıtyp berdi.
«Bes adamnan turatyn bir otbasynyń eshqandaı tabys kózi joq, jınaq qoryna eshqandaı zeınettik jarna aýdarylmaǵan. Naǵyz az qamtylǵan otbasy dersiz», - dedi vıtse-mınıstr.
Al atalǵan mekenjaıǵa barǵan áleýmettik qyzmetkerler «az qamtylǵan», turmysy tómen otbasynyń jaǵdaıyn kórip, tań-tamasha bolǵan.
«Sán-saltanatty záýlim úıde turady jáne qymbat kólik minedi, biraq tabys kózi esh jerde kórsetilmegen», - dep atap ótti S.Jaqypova.
Aıta keteıik, Ortalyq kommýnıkatsııalar qyzmetinde QR Eńbek jáne halyqty áleýmettik qorǵaý vıtse-mınıstri Svetlana Jaqypova zeıneaqy júıesi jáne eń tómengi kúnkóris deńgeıi boıynsha baspasóz máslıhatyn ótkizdi. Onda S.Jaqypova óz tabysyn jasyryp qalyp, mindetti tólemderdi, jarnalardy tólemeıtin tulǵalarmen kúresý qajettigin basa aıtty.
«Shyn máninde óz eliniń gúldenýin qalaıtyn halyq óz tabysyn jasyryp qalatyndarmen, memleketke josyqsyz qol jaıatyndarmen kúresýi kerek», - deıdi S.Jaqypova.
