Áleýmettik kómek kópbalaly ári jalǵyzbasty analarǵa da demeý boldy – shymkenttik tiginshi

ShYMKENT. QazAqparat – Shymkent qalasynyń turǵyny Aıgúl Ákimova otbasynyń jalǵyz asyraýshysy. Tórt perzenti de mektep jasyndaǵy kelinshek memleket tarapynan berilgen áleýmettik kómek úshin alǵys aıtty, dep habarlaıdy QazAqparat tilshisi.

On saýsaǵynan óner tamǵan ismerdiń shaǵyn sheberhanasy bar. Buǵan deıin «Bıznes-bastaý» jobasyna qatysyp, qarjylyq kómektiń nátıjesinde tigin sheberhanasyn ashqan ol úkimet taǵaıyndaǵan áleýmettik kómekti zor yqylaspen qabyl alǵanyn jetkizdi. Kúıeý ІІ toptaǵy múgedek áıel qolyna tıgen 425 00 teńgeni azyq-túlik alýǵa jumsaıtynyn aıtady.

«Ózim tiginshilikpen jeke kásibimdi dóńgeletip kelgenmin. Qala karantınge jabylýyna baılanysty jumysymyzdy toqtatýǵa týra keldi. Jańalyqtar arqyly 42 500 teńge áleýmettik kómekke tapsyrýǵa bolatynyn estidim. Úıden shyqpaı-aq tıisti qujattardy rásimdep, ótinish berdim. Eki kún ishinde jaýaby keldi. Osylaı kóptiń biri bolyp kómekke ıe boldyq. Bir jaǵynan osy kómekti almaǵanymda jaǵdaıym qalaı bolar edi dep oılaımyn. Óıtkeni tabysym bala-shaǵamyzdan artylmaıdy. Qıyn qystaý kezeńde halyqtyń jaǵdaıyna alańdaýshylyq bildirgen Memleket basshysyna raqmet aıtamyn», - deıdi tiginshi.