Áleýmettik qoldaý alý úshin jumyssyz adam jumyspen qamtý ortalyǵymen áleýmettik kelisimshart jasaıtyn bolady
Mınıstrdiń aıtýynsha, zań jobasy boıynsha jumysyn joǵaltqandarǵa áleýmettik tólemder ýaqyty da uzartylatyn bolady. Budan bólek, Memlekettik áleýmettik saqtandyrý qoryna aýdarymdar aýdarylǵan adamdar úshin, sol sııaqty aýdarymdary joq adamar úshin tegin konsýltatsııalar, kásibı baǵdar berýler júrgiziledi. Sonymen qatar, jumyssyzdardy stıpendııa tólep, turý jáne jolaqy shyǵystaryn óteýdi qamtıtyn materıaldyq kómek shyǵyndaryn tolyq óteı otyryp oqýǵa jiberý kózdeledi. Jalaqysyn jumys berýshi belgilegen eńbekaqy mólsheriniń otyz bes paıyzyna deıin bir jylǵa sýbsıdııalaı otyryp áleýmettik jumys oryndaryna jiberý qarastyrylady. Eger adamnyń nemese otbasyndaǵy árbir múshege tabysy belgilengen kedeılik sheginen aspasaǵ ataýly áleýmettik tólemder kórsetiletin bolady.
«Usynylǵan áleýmettik qoldaý túrlerin alý úshin jumyssyz adam men jumyspen qamtý ortalyǵy arasynda áleýmettik kelisimshart jasalady. Onda memelket áleýmettik qoldaý usyný jáne jumyspen qamtýǵa járdemdesý baǵdarlamalaryna qatysýǵa jiberý mindettemelerin óz moınyna alady. Al jumyssyz adam bolsa kásip ıelený, jastar praktıkasyna qatysý, áleýmettik jumys oryndarynda jumys isteýge mindetti bolady», - dedi mınıstr T. Dúısenova.