Áleýmettik qoǵam balabaqshalardy baqylaýǵa alýy tıis - ıÝNISEF
ASTANA. QazAqparat - Qazaqstandaǵy ıÝNISEF ókili ıÝrıı Oksamıtnyı Qazaqstandaǵy balalar mekemesindegi zorlyq-zombylyqtyń aldyn alý sharalaryn usyndy, dep habarlaıdy QazAqparat tilshisi.
«Balany erte jastan damytý boıynsha bizdiń naýqanymyzǵa úkimettik uıymdar aıtarlyqtaı qoldaý kórsetip jatyr. Naýqan ata-analarǵa bala tárbıesi boıynsha keńester berýge baǵyttalǵan. Dál osyndaı keńesterdiń ekitomdyǵyn ázirlep qoıdyq», - dedi ıÝrıı Oksamıtnyı Astanada Eýropa jáne Ortalyq Azııa ulttyq statıstıkalyq bıýrolarynyń jınalysynda jýrnalısterge bergen suhbatynda.
Sonymen birge, ıÝNISEF ókili balalar mekemesindegi zorlyq-zombylyqty azaıtý boıynsha aqyl-keńester berdi.
«Balalar mekemesine jumysqa ornalasatyn adamdardy tolyq tekserýden ótkizý kerek. Olardyń psıhologııalyq turǵydaǵy beriktigi jáne bilimi balalar mekemesinde jumys isteı alatyn deńgeıde bolýy qajet. Balalarmen jumys isteıtin mamandardyń kásibı bilimi bolǵany mańyzdy. Úkimettik emes uıymdar men áleýmettik qoǵam balabaqshalar men balalar mekemesin únemi baqylaýda ustaǵany jón», - dep keńes berdi ıÝrıı Oksamıtnyı.
Sondaı-aq, ol zorlyq-zombylyq máselesiniń Qazaqstanda asa ózekti emestigin atap ótti.
«Bul másele Qazaqstanda asa ózekti dep oılamaımyn, biz bul máselemen tikeleı aınalyspaımyz. Zorlyq-zombylyqtyń aldyn alýda ata-analar da belsendi bolýy tıis», - dedi ıÝrıı Oksamıtnyı.
