Áleýmettik kodeks erekshe mártebege ıe - depýtat
Parlament Májilisiniń depýtaty Aıqyn Qońyrov Memleket basshysynyń Qazaqstan halqyna Joldaýy týraly osyndaı pikir aıtty, dep habarlaıdy QazAqparat tilshisi.
«Men úshin, kommýnıst retinde, Prezıdenttiń áleýmettik kodeksti ázirleý týraly tapsyrmasy óte mańyzdy. Ol qoǵamdy tolǵandyratyn barlyq máselelerdi qamtıdy, óıtkeni pandemııa, tótenshe jaǵdaı rejımin engizý áleýmettik qatynastar men qoldaýdy retteıtin barlyq zańnyń kemshilikterin anyqtady. Úkimet pen depýtattar jasaıtyn osy Kodeks qoǵamdy jáne onyń damýyn qoldaýdyń barlyq qajetti elementterin qamtıdy dep oılaımyn. Sondyqtan áleýmettik kodeks erekshe mártebege ıe bolady jáne áleýmettik kodeks paıda bolǵan kezde eldiń áleýmettik baǵdarlanǵan bıýdjeti ashyq bolady. Meniń oıymsha, osy Kodekstiń qabyldanýy nátıjesinde adamdar memleket aqshasy qaıda ketetinin, qoǵamdy qoldaýǵa jáne damytýǵa qalaı jumsalatynyn ashyq túrde kóredi», - deıdi Parlamentindegi Halyqtyq kommýnıster fraktsııasynyń jetekshisi Aıqyn Qońyrov.
Onyń aıtýynsha, karantın kezinde qoǵamda kóptegen suraq týyndady. Adamdar memlekettiń odan ári qalaı damıtynyn jáne memlekettiń halyq únine qanshalyqty qulaq asatynyn bilgisi keldi. Búgingi kúnge deıin memleket ekonomıkany, áleýmettik salany, bolashaq qoǵamdy demokratııalandyrý týraly estidi jáne bul baǵytta qandaı shara qoldanýǵa bolatynyn usynýy múmkin.
«Meniń oıymsha, Prezıdent Joldaýynda árbir Qazaqstan azamaty ózin mazalaǵan máseleni kórdi. Tipti janýarlardy qorǵaý týraly zańǵa qatysty máselege deıin eskerildi. Árıne, quqyq qorǵaý júıesin reformalaý azamattar úshin óte mańyzdy másele. Bul baǵytta da naqty mindetter qoıyldy, ıaǵnı bizdiń quqyq qorǵaý júıesi azamattar úshin júıelik sıpatqa ıe bolýy kerek. Meniń oıymsha, bizde bul reformalardy júrgizý úshin belgili bir ýaqyt bar. Joldaýdy qoldaý úshin qajet barlyq zańnamalyq bastamalar jaqyn arada depýtattar tarapynan bolady jáne biz sapaly jumys istep, qajetti merzimde aıaqtaýymyz kerek», - deıdi ol.
