Áleýmettik kásipkerlikti damytýǵa qatysty qujat maquldandy - Májilis
Zań jobasy Qazaqstan Respýblıkasynda áleýmettik kásipkerlikti damytý tetikterin zańnamalyq turǵydan retteý jáne júıeleý maqsatynda ázirlendi. Qujat azamattardyń áleýmettik osal sanattaryn jumyspen qamtýdy qamtamasyz etýge járdemdesýge jáne olar úshin qoǵamdyq paıdaly qyzmetke qatysýǵa basqa azamattarmen teń múmkindikter jasaýǵa, áleýmettik kásipkerlik sýbektileri, onyń ishinde azamattardyń áleýmettik osal sanattarynyń jeke eńbekke qatysýy arqyly óndiretin taýarlardy naryqqa jyljytýǵa, sondaı-aq áleýmettik mindetterdi sheshýge yqpal etetin áleýmettik ınnovatsııalardy engizýdi qamtamasyz etýge baǵyttalǵan.
Zań jobasynda sondaı-aq áleýmettik kásipkerliktiń uǵymdary men negizgi mindetterin bekitý, qandaı da bir uıymdy áleýmettik kásipkerlik sýbektilerine jáne áleýmettik kásipkerlik sýbektileriniń qyzmeti baǵyttalǵan halyq sanattaryna jatqyzý ólshemsharttaryn aıqyndaý kózdeledi.
Jumys tobynyń zań jobasymen jumys isteý barysynda depýtattar:
-áleýmettik kásipkerlik sýbektileri qyzmetiniń baǵyttaryn keńeıtýge;
-áleýmettik kásipkerlik sýbektileriniń tizilimin kásipkerlik jónindegi ýákiletti organnyń ınternet-resýrsynda ornalastyrýǵa jáne osy tizilimde qamtylýǵa tıis málimetter tizbesin aıqyndaýǵa;
-áleýmettik kásipkerlik sýbektileriniń tizilimin qalyptastyratyn arnaıy óńirlik komıssııanyń quramyna memlekettik organdardyń, Ulttyq kásipkerler palatasynyń jáne qoǵamdyq birlestikterdiń ókilderin engizýge;
-áleýmettik kásipkerlik sýbektileri sanattarynyń ataýlaryn naqtylaýǵa baǵyttalǵan túzetýler engizdi.
Budan basqa, depýtattar Qazaqstan Respýblıkasynyń qoldanystaǵy zańnamasyna jáne zań tehnıkasynyń talaptaryna sáıkes keltirý jóninde, sondaı-aq zań jobasynyń jekelegen normalaryn naqtylaıtyn jáne mazmunyn jaqsartatyn túzetýler engizdi.
Osy zań jobasy 2021 jylǵy 28 sáýirde birinshi oqylymda maquldandy.