Áleýmettik-kásipkerlik korporatsııalar óz qyzmetinde jeke sektormen básekege túspeý qaǵıdatyn ustaýy qajet - E.Dosaev
ASTANA. 16 qazan. QazAqparat - Áleýmettik-kásipkerlik korporatsııalar óz qyzmetinde jeke sektormen básekege túspeý qaǵıdatyn ustaýy qajet.
Bul týraly búgin Úkimettiń selektorlyq rejimdegi otyrysynda QR Ekonomıkalyq damý jáne saýda mınıstri Erbolat Dosaev málim etti.
«ÁKK-lar jeke sektor ornalaspaǵan nemese jetkiliksiz ornalasqan keńistikte tıimdi jumys istep, bıznestiń damýyn yntalandyrýy jáne onyń ósýi úshin jaǵdaılar jasaýǵa, ıaǵnı korporatsııalarda bıznes-uıymdastyrýshy rólin atqarý tıis», - dedi ol.
Onyń atap ótýinshe, aýmaqtardy damytý baǵdarlamasy ulttyq jáne halyqaralyq naryqtarda durys jaıǵastyrý úshin básekelestik artyqshylyqtaryn, óńirdiń ósý núktelerin aıqyndaıdy. ÁKK ınvestıtsııalar men kúsh-jigerdi biriktire otyryp, bıznestiń ósý núktelerinde damý qarqynyn beredi.
«Sonymen qatar ÁKK-lar qyzmetindegi mańyzdy qaǵıdaty áleýmettik jaýapkershilik bolyp tabylady», - dedi mınıstr.
