Áleýmettik kásipkerler 7 paıyzben shaǵyn nesıe ala alady
Kezdesý ashyq pikirtalas formatynda ótti. Jıynǵa qatysýshylar eldegi áleýmettik kásipkerliktiń qazirgi jaı-kúıi men odan ári damý perspektıvalaryn talqylady.
UEM basshysy atap ótkendeı, Qazaqstanda áleýmettik kásipkerlikti memlekettik qoldaý sharalarynyń keń aýqymy qarastyrylǵan, onyń ishinde salyqtyq jeńildikter, qarjylyq jáne aqparattyq qoldaý.
Onyń aıtýynsha, aǵymdaǵy jyldyń aqpan aıynan bastap áleýmettik kásipkerler úshin Kásipkerlikti damytý jónindegi ulttyq joba sheńberinde memlekettik qoldaý sharalary usynyldy. Tıisti tizilimge engizilgen áleýmettik kásipkerlik sýbektileri salalyq shekteýsiz jeńildetilgen nesıe alýǵa úmitker bola alady. ıAǵnı, 7% mólsherleme boıynsha syıaqy mólsherlemesin sýbsıdııalaý, ınvestıtsııalyq maqsatqa - 1,5 mlrd. teńgege deıin nesıe qarastyrylǵan, 500 mln. teńge – aınalym qarajatyn tolyqtyrýǵa arnalǵan.
Sondaı-aq, olarǵa ınvestıtsııalyq maqsatqa 20 mln teńgege deıin nesıe, aınalym qarajatyn tolyqtyrýǵa 5 mln teńgege deıin 7% mólsherlememen shaǵyn nesıeler beriletin bolady.
«Mınıstrlik ákimdikterge jeke bıznesti qoldaý kezinde áleýmettik kásipkerler úshin basymdyqtardy anyqtaýdy usyndy. «Damý» qorynyń, jergilikti bıýdjettiń jáne basqa da kózderdiń aralas qarajaty esebinen túpkilikti mólsherlemesi 1% quraıtyn ShOB sýbektilerin qoldaýdyń óńirlik baǵdarlamalary sheńberinde nesıeler/mıkrokredıtter boıynsha sýbsıdııalar beriletin bolady», - dedi Ulttyq ekonomıka mınıstri.
Qarjylyq emes qoldaý sharalary aıasynda bıznesti júrgizýge servıstik qoldaý kórsetý, kásipkerlerge aqparattyq-taldamalyq qoldaý kórsetý, «iskerlik qarym-qatynastar» quraly jáne «Men – Kásipker» jobasy boıynsha bıznesti júrgizýdi oqytý qarastyrylǵan.
Sondaı-aq, kezdesý barysynda osy saladaǵy ózekti problemalarǵa qatysty máseleler kóterildi. Bul áleýmettik kásipkerlik sýbektilerin baǵalaýdyń biryńǵaı krıterııin qurý, jobalardy irikteý, komıssııa quramyn qaıta qaraý, tizilimdi qalyptastyrý, nesıe berý kezinde EDB-niń (ekinshi deńgeıli bank) kepil saıasaty jáne t.b.
Kezdesý qorytyndysy boıynsha Á.Qýantyrov barlyq aıtylǵan usynystar boıynsha Mınıstrliktiń ustanymyn belgilep, árbir másele jeke qaralatynyna sendirdi. Mınıstr óńirlik saparlar kezinde áleýmettik kásipkerler nysandaryna barýdy jalǵastyratynyn aıtty.
