Áleýmettik eksperıment: Almatylyqtardyń tazalyqqa qalaı qaraıtyndyǵy tekserildi
ALMATY. QazAqparat - Almatyda Jastar saıasaty damýy memlekettik qory ereshke eksperıment ótkizdi.
Olar Ortalyq demalys jáne mádenıet saıabaǵynda tazalyqqa beı-jaı qaramaıtyn turǵyndardy anyqtap, marapattady.
Uıymdastyrýshylar saıabaqta bos bótelkelerdi shashyp tastaǵan. Túsirilim bastalǵannan soń kelýshilerdiń kópshiligi qoqysqa mán bermegendigi anyqtaldy.
«40 mınýttaı kúttik. Eshkim qoqysty kótergen joq. 10 jastaǵy Jaras esimdi bala qoqysty alǵashqy bolyp jáshikke tastady. Balaqaıdyń áreketine, alǵan tárbıesine rıza boldyq. Ony marapattap, syılyq berip, sýretke tústik. Alaıda týǵan qalasynyń tazalyǵyna nemquraıly qaramaıtyn adamdar kóbeıdi. 4 saǵat ishinde10 shaqty adamǵa syılyq berdik. Ásirese kishkene almatylyqtar óte erekshe tazalyq tanytty. Muny kórip jaýapkershiligi mol azamattar ósip kele jatqanyna kóz jetkizdik», - dedi Tatıana Anýfrıeva.
Onyń aıtýynsha, mundaı aktsııalar ekologııalyq ahýalǵa qoǵam nazaryn barynsha aýdarýǵa yqpal etpek.
Sondaı-aq, uıymdastyrýshylar saıabaqqa kelgenderge LifeBag fırmasynyń ekologııalyq paketterin tegin taratty.
Túsirilgen vıdeodan uıymdastyrýshylar «Taza qala úshin» áleýmettik rolıgin jasap, qoǵamdyq oryndarda, metro stansalarynda, avtobýs ishinde kórsetýge nıet bildirip otyr.
