Áleýmettik-ekonomıkalyq damý qarqyny reıtınginde Jambyl oblysy birinshi orynda
ASTANA. 10 qazan. QazAqparat - Áleýmettik-ekonomıkalyq damý qarqyny reıtınginde Jambyl oblysy birinshi orynda keledi.
Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda Jambyl oblysynyń ákimi Qanat Bozymbaev málim etti.
Onyń sózine qaraǵanda, Prezıdent Ákimshiligi men Úkimet tarapynan júrgizilgen 2012 jylǵy áleýmettik-ekonomıkalyq damý qarqyny reıtınginiń nátıjesi boıynsha Jambyl oblysy respýblıka óńirleriniń arasynda birinshi oryndy aldy.
Ákimniń aıtýynsha, sońǵy 3 jylda óńirlik jalpy ónim oblysta 33 paıyzǵa ósti. Onyń ishinde 2012 jyly bul kórsetkish 9,8 deńgeıinde boldy. Osy oraıda byltyr aımaq úshin onyń somasy rekordtyq kólemge jetip 764 mlrd. teńgeni qurady.
