Áleýmettik baǵdarlamalardy júzege asyrýda irkilis bolmaıdy - Jeńis Qasymbek
QARAǴANDY. QazAqparat – Óńir basshysy Jeńis Qasymbektiń Qaraǵandy turǵyndarymen kezdesýi 2,5 saǵatqa sozyldy. Birinshi kezekte abattandyrý, TKSh, joldar men kólik salasyna qatysty saýaldar boldy, dep habarlaıdy QazAqparat tilshisi.
Oblys ákimine óńirdi bólý, onyń áleýmettik mindettemelerdiń oryndalýyna qalaı áser etetini týraly suraq qoıyldy.
«Qazaqmys» bas keńselerin Jezqazǵanǵa aýystyrǵannan eshqandaı problema bolmaıdy. «Qazaqmys» pen «ArselorMıttal Temirtaý» bıýdjetke túsetin túsimderdiń basym bóligin beredi dep esepteıtin adamdar keıde qatelesedi dep aıtqym keledi. Túsimderdiń bul kompanııalarǵa tıesili úlesi - 21%, al 17% shaǵyn jáne orta bıznes beredi. Bul sektor jyl saıyn damyp keledi, bizde jaqsy rezerv bar. Áleýmettik baǵdarlamalardy júzege asyrýda eshqandaı irkilister bolmaıdy», - dedi Jeńis Qasymbek.
Qaraǵandy shetindegi aımaqtardyń turǵyndarynan kóptegen suraqtar tústi. Qala ákimi Ermaǵanbet Bólekpaev bıyl qala mańyna kóbirek kóńil bólinetinin aıtty. Maıqudyqtaǵy saıabaq abattandyrylady. Suryptaýda «Temirjolshylar» Mádenıet úıi jóndeledi.
Qaraǵandyda 26 aýlany retke keltirý, 11 fýtbol alańy men 62 balalar oıyn alańyn ornatý josparlanyp otyr.
Turǵyndar tarapynan tasymaldaýshylarǵa qatysty kóptegen shaǵymdar bar. Jyl sońynda Qaraǵandyda 100 jańa avtobýs jolǵa shyǵýy tıis.
Oblys ortalyǵynda úshinshi jylý shyǵarý jáne gazben jabdyqtaý qurylysy strategııalyq mańyzdy bolyp qala beredi.
Maıqudyqta jańa mektep ashylady. Kúngeı jáne Ońtústik-Batys shaǵyn aýdandarynda úsh mektep salý úshin JSQ ázirlenip jatyr.
Oblys ákimi qaraǵandylyqtardyń belsendiligi men týǵan qalasynyń taǵdyryna nemquraıly qaramaıtyndyǵyn atap ótti.
«Suraqtar bar, sebebi sheshilmegen máseleler áli de jetkilikti. Biz eshteńeni nazardan tys qaldyrmaımyz. Kelesi joly kezdeskende, búgin qoıylǵan barlyq suraqtardy taǵy da talqylaımyz», - dep atap ótti aımaq basshysy.
Kezdesý sońynda Jeńis Qasymbek azamattardy jeke máseleleri boıynsha qabyldady.
Budan buryn habarlanǵanyndaı, Qaraǵandy oblysynda 8 stantsııa jańa jylytý maýsymyna daıyndalyp jatyr.
