Áleýmettanýshylar Qazaqstan damýyna mańyzdy úles qosty - Áshimbaev
NUR-SULTAN. QazAqparat – Áleýmettanýshylar Qazaqstan damýyna mańyzdy úles qosty. Bul týraly QR Parlamenti Senatynyń Tóraǵasy Máýlen Áshimbaev aıtty, dep habarlaıdy QazAqparat tilshisi.
«Qarqyndy saıası jáne áleýmettik-ekonomıkalyq qaıta qurýlar qundylyqtar júıesin transformatsııalaýǵa alyp keldi. Qazaqstandyq qoǵam tóńiregine shoǵyrlanatyn eń mańyzdy qundylyq el Táýelsizdigi ekendigi sózsiz. Qoǵamymyzdaǵy osynaý ózgeristerdiń barlyǵy qoǵamdyq zertteýlerdiń, eń aldymen áleýmettanýdyń taqyryby», - dedi Senat spıkeri Qazaqstan áleýmettanýshylarynyń VII kongresinde.
Onyń atap ótýinshe, el Táýelsizdiginiń 30 jyly ishinde áleýmettik zertteýler mańyzdy salalardyń bárin qamtydy.
«30 jyl boıy áleýmettik zertteýler elimizdiń barlyq mańyzdy qoǵamdyq-saıası, áleýmettik-ekonomıkalyq, mádenı-gýmanıtarlyq túrlenýin súıemeldep keldi. Biz tolyqtaı negizde áleýmettanýshylar Qazaqstan damýyna mańyzdy úles qosty dep aıta alamyz», - dedi Máýlen Áshimbaev.
