Áleýmettanýshylar: brıtandyqtar shet tilderdi jetik bilmeıdi
ASTANA. QazAqparat - Áleýmettanýshylardyń zertteýinshe, brıtandyq oqý oryndary shet elderdiń tilin meńgergen mamandardy jetkilikti daıarlamaıdy, dep jazady VVS.
CBI brıtan kásipkerleri odaǵynyń tapsyrysymen júrgizilgen zertteý boıynsha, álemde kóp taralǵan tilderdi biletin mamandardyń azaıýy eldiń ekonomıkasyna kesirin tıgizedi.
Brıtandyq kompanııalar áli kúnge frantsýzsha, nemisshe, ıspansha sóıleıtin mamandarǵa tapshy. Biraq, sońǵy kezde elde qytaı jáne arab tilderin meńgergenderdiń sany artqan.
Oǵan qosa kóptegen jumys berýshiler polıak, orys jáne japon tilderin bilgenderge qurmetpen qaraıtyn kórinedi.
Qalyptasqan jaǵdaıdǵa baılanysty Brıtan bıligi shet tilderdi oqytýdy damytatyn baǵdarama ázirlep boldy. Sol boıynsha bıylǵy kúzden bastap barlyq mektepterde buǵan deıingideı 11 jastan emes, 7 jastan bastap shet tilderi oqytyla bastaıtyn bolady.
