Alepponyń 400 turǵyny jedel medıtsınalyq kómekke muqtaj
ASTANA. QazAqparat - Alepponyń shyǵysynda jaraqat alǵan nemese dertke shaldyqqan 400 adam shuǵyl medıtsınalyq kómekke muqtaj.
Bul týraly Birikken Ulttar Uıymynyń ókilderi habarlady. Aımaqtan qashyp shyqqan turǵyndardyń aıtýynsha, qaskóıler baqylaýyndaǵy keıbir aýdandarda ahýal múlde nashar. Ol jerlerde shamamen 250 myń adam turyp jatyr.
Oǵan qosa, bul aımaqtarda azyq-túlik pen dári-dármek qajet. Degenmen úkimet áskeri lańkester baqylaýyndaǵy taǵy bir aýdandy azat etip, qala men áýejaıdy jalǵaıtyn kúre joldy óz baqylaýyna aldy.
Aıta keteıik, Aleppony azat etý operatsııasy bastalǵaly beri bılik áskeri shahardyń 60 paıyzyn lańkesterden bosatty.
«Habar24» arnasy.
