Aleppoda Sırııanyń Joǵarǵy múftıiniń uly qaza boldy
ASTANA. 3 qazan. QazAqparat - Sırııada eldegi ekini úlken qala Aleppodaǵy ýnıversıtet aýmaǵy mańynda lańkesterdiń shabýyly kezinde Sırııanyń Joǵarǵy múftıi Ahmed ád-Dın Hasýnnyń uly Sarııa Hasýn oqqa ushty, dep habarlady RBK «Sınhýa» agenttigine silteme jasap.
Shabýyl kezinde sondaı-aq ýnıversıtet professory Muhammed ál-Omar aýyr jaralandy.
A.Hasýn ulynyń qaza bolýyna baılanysty jýrnalısterdiń suraqtaryna jaýap qaıtara otyryp, elde daǵdarys eńserilgenin, al qazir bolyp jatqan oqıǵalar syrtqy kúshterdiń aralasýynan ekenin atap ótti.
Ókimet oryndarynyń atap ótýinshe, sońǵy kúnderi jasyryn bandylar zııaly qaýym ókilderine shúıligýde. Olardyń qurbandarynyń arasynda birneshe dáriger men ıadrolyq fızıka salasyndaǵy sarapshy bar.
Ulttyq parlamenttiń múshesi Haled Abdýl bul problemaǵa túsinikteme bere otyryp, eldegi jalpy beı-bereketsizdiktiń saldarynan mundaı qylmystar taıaýdaǵy ýaqytta kóbeıe túsýi múmkin degen qaýpin aıtty. Onyń pikirinshe, lańkester uıymdastyryp otyrǵan adamdardyń kózin qurtý sharalaryna sheteldik kúshter dem berip otyr.
