Aleppo bıligi qaqtyǵystar tolyǵymen toqtaǵanyn málim etti
ASTANA. QazAqparat - Sırııanyń Aleppo qalasynda 13 jeltoqsannan beri tolyq tynyshtyq ornady. Bul týraly Reseı Jańalyqtary agenttigine Aleppo gýbernatorynyń baspasóz qyzmetiniń ókili Ammar Ezzý málim etken, dep habarlaıdy QazAqparat.
«Qalada keshki ýaqyttan beri tolyq tynyshtyq saqtalýda. Atystar týraly aqparattar túsken joq. Múmkin bir kún burynǵydaı merekeleý aıasynda bir-eki oq atylǵan shyǵar», - dedi Ezzý.
Al oqıǵa ornynan habarlaǵan agenttik tilshisi ártúrli málimetter boıynsha sodyrlar áli de qalyp otyrǵan shyǵys kvartaldarda avtomattardyń legi estilgen.
Óz kezeginde, operatsııa shtabyndaǵy derekkózdiń habarlaýynsha, aýmaqta qalyp otyrǵan lańkester men olardyń otbasylary Aleppodan kelisimge sáıkes Ramýs baqylaý-ótkizý beketi arqyly shyǵarylatyn bolady. Olar úshin avtobýstar ázirlenip qoıǵan.
«Qaqtyǵystar bolyp jatqan joq. Qazir barlyǵyn egjeı-tegjeıli kelisip jatyrmyz», - dep atap ótti ol.
Buǵan deıin Aleppony lańkesterden azat etý operatsııasy shyrqaý shegine jetken bolatyn. Sońǵy eki kúnde qalanyń shyǵysyndaǵy birneshe kvartal «tazartyldy».
Foto: Exclusivepix Media / Zuma / Globallookpress.com
