Alen Delon tapanshalary men myltyqtaryn satýǵa bel býdy
ASTANA. QazAqparat - Álemge tanymal frantsýz akteri Alen Deon birneshe ondaǵan jyldan beri jınaǵan tapanshalary men myltyqtaryn satylymǵa shyǵarmaq nıette.
Ol keshe Parıjdegi Cornette de Saint Cyr bássaýda úıinde óz qarýlaryn jurtshylyqqa kórsetti. Saýda 1 jeltoqsanda ótedi.
Atap óter jaıt, onyń 80 tapanshasy men myltyǵy bar. Aldyn ala baǵasy shamamen 300-den 30 myń eýro aralyǵynda. Qarýlardyń ishinde XIX ǵasyrdyń ortasynda shyǵarylǵandary, keıinnen Delonnyń qatysýymen ótken birneshe fılmder túsirilimi kezinde paıdalanylǵandary da jeterlik.
