Alen Berse Eýropa Keńesiniń Bas hatshysy bolyp saılandy
ASTANA. KAZINFORM - Seısenbi kúni Eýropa Keńesiniń Parlamenttik Assambleıasy (EKPA) Alen Berseni (Shveıtsarııa) 2024 jyldyń 18 qyrkúıeginen bastap bes jyldyq merzimge Eýropa Keńesiniń Bas hatshysy etip saılady.
Saılaýdyń ekinshi týrynda A.Berse 114 daýysqa ıe boldy, bul – daýys berýshilerdiń basym bóligi. Qalǵan úmitkerler Indrek Saar (Estonııa) jáne Dıde Reınders (Belgııa) sáıkesinshe 85 jáne 46 daýys jınady.
Alen Berse 2012 jyldan 2023 jylǵa deıin Shveıtsarııa úkimetiniń múshesi boldy. Osy ýaqyt ishinde ol eki ret Konfederatsııa prezıdenti qyzmetin atqardy (2018 jáne 2023 jyldary).
Mınıstr retinde A.Berse federaldy ishki ister mınıstrligin basqardy. Úkimetke kelgenge deıin 2003-2011 jyldar aralyǵynda Shveıtsarııa Federaldy Parlamentiniń múshesi, 2008-2019 jyldary Parlamenttiń joǵarǵy palatasy – Memleketter keńesin basqardy.
Qazaqstan Eýropa Keńesimen jáne onyń qurylymdarymen 1997 jyldan beri yntymaqtastyqta. Qazaqstan keńeske kirmeıtin elder men Halyqaralyq uıymdarǵa múshe memlekettermen ózekti máseleler boıynsha ózara is-qımyl jasaýǵa múmkindik beretin onyń ishinara keńeıtilgen kelisimderine qatysýǵa múmkindigi bar.
