Álemniń iri medıaresýrstary Ortalyq Azııaǵa qyzyǵýshylyq tanytyp otyr – Balaeva

ASTANA. KAZINFORM – Ortalyq Azııa óńiri iri halyqaralyq medıaresýrstar men ınternet-platformalar úshin qyzyǵýshylyq týdyratyn salmaqty ortaq naryqty qalyptastyryp keledi. Bul týraly Mádenıet jáne aqparat mınıstri Aıda Balaeva aıtty jáne jahandyq medıaalańǵa birlesip shyǵý bastamasy týraly aıtty. 

Mınıstrdiń aıtýynsha, Qazaqstan halyqaralyq resýrstarmen baılanys ornatý boıynsha belsendi jumys júrgizip otyr. Máselen, ótken jyldyń tamyz aıynda biz Astanada Ortalyq Azııa boıynsha «Euronews»-tiń ókildigin ashý týraly kelisimge qol qoıdyq.

− «Euronews» komandasy bizdiń halyqtardyń óneri, mádenıeti men ómir salty týraly «Modern nomads» teleshoýyn, «Ortalyq Azııadan shyqqan daýystar» taqyryptyq serııasyn – óńirdiń belgili qaıratkerlerimen suhbattardy, iri óńirlik is-sharalardy qamtıtyn «Fokýs» reportajdarynyń birqataryn kórsetýge kiristi. Biz Ortalyq Azııanyń barlyq elderimen ortaq tarıhı jáne mádenı muramyzdy, saýda-ekonomıkalyq jáne týrıstik áleýetimizdi kórsetýge baǵyttalǵan birlesken medıajobalardy jasaý boıynsha halyqaralyq áriptesterdi tartý jumysyn júrgizýge nıettimiz, - dedi A. Balaeva Astanadaǵy II Ortalyq Azııa medıaforýmynda.

Aıta keteıik, 16-17 sáýir kúnderi Ortalyq Azııa boıynsha medıa salasynyń mamandary Astanadaǵy forýmda bas qosady. Forýmǵa Qazaqstan, Ózbekstan, Qyrǵyzstan, Ázerbaıjan, Tájikstan, Túrikmenstan, Ulybrıtanııa, Qytaı, Qatar, Reseı jáne basqa da elderden 700-den astam delegat qatysyp jatyr. 

Sonymen birge Qazaqstan men Ózbekstan jýrnalısteri úshin baspasóz týrlary ótedi.