Álemniń 30 eli qatysatyn Etnosport mádenıeti festıvali bastaldy - sheteldegi qazaq baspasózi
«KAZINFORM» HAA sheteldegi qazaq tilinde taraıtyn aqparat kózderine aptalyq sholýyn usynady.
Astanadaǵy LRT - Ortalyq Azııadaǵy tehnıkalyq jaǵynan eń ozyq qalalyq tranzıttik jobaǵa aınalady - «Halyq gazeti»
Qazaqstannyń Astana qalasyndaǵy jeńil relsti jol - Ortalyq Azııadaǵy alǵashqy qalalyq jeńil relsti jeli. Bul jol - Nazarbaev halyqaralyq áýejaıy, Nazarbaev ýnıversıteti, Dúnıejúzilik ekspo parki, Prezıdent saraıy, jańa temirjol vokzaly jáne basqa da Astana qalasynyń kórikti jerleri men negizgi fýnktsıonaldyq aımaqtary arqyly ótedi. Onyń jalpy uzyndyǵy 22,4 shaqyrym, dep habarlaıdy qytaılyq «Halyq gazeti» basylymy.
Atalǵan BAQ-tyń keltirgen málimetine súıensek, qytaılyq kompanııa Qytaıdyń Altynshy qurylys bıýrosy joldyń 18,34 shaqyrymyn salǵan. Onda jalpy 9 stantsııa men 14 ýchaske bar.
«Jeńil relsti joba (LRT) aıaqtalyp, kólik qozǵalysy úshin ashylǵannan keıin, jol júrý ýaqyty eki esege jýyq qysqarady. Qurylys Qazaqstandaǵy, tipti Ortalyq Azııadaǵy eń tehnıkalyq jaǵynan ozyq qalalyq temirjol tranzıttik jobasyna aınalady. Qazirgi ýaqytta jobanyń qurylysy turaqty júrip jatyr», dep jazady «Halyq gazeti».
Sondaı-aq, osy aptada «Halyq gazeti» basylymynda «Rezeńke dońǵalaqtar qalaı «býlanyp» shyǵady?» degen taqyryptaǵy aqparat jarııalandy.
Atalǵan BAQ-tyń dereginshe, jartylaı ónimderden dońǵalaqtardyń qalyptasýyna, výlkanızatsııaǵa, synaýǵa jáne qoımadan shyǵýǵa deıin bul kompanııa bir rezeńke dońǵalaqtardy orta eseppen 7 sekýndta shyǵara alady. Bul aqparatty jaqynda «Halyq Gazeti» suqbat toby Hanchjoýdyń Tsıantan jańa aýmaǵyndaǵy Zhongce Rubber Group kompanııasynyń bolashaq zaýytyna kirip, tsıfrlyq jáne naqty ıntegratsııalaý arqyly olardyń óndiriske qalaı kómektesip jatqanyn kórgen kezde anyqtaǵan.
Sonymen qatar «5000 jyl buryn qytaılyq ydys-aıaq qandaı bolǵan?» degen aqparat jaryq kórgen.
Qytaılyq BAQ-tyń dereginshe, osydan 5300-4300 jyl buryn Qytaıdyń ońtústigindegi ıAntszy ózeniniń tómengi aǵysy men Taıhý kóli aýmaǵynda Lıanchjý órkenıeti bolǵan. Bul – Qytaı jerinde osy ýaqytqa deıin tabylǵan eń alǵashqy el.
Hanchjoý qalasynyń ıÝıhan aýmaǵyndaǵy Lıanchjý murajaıy Lıanchjý kezeńindegi órkenıet jetistikteri men áleýmettik stıl týraly maǵlumat beredi. «Halyq Gazeti» ol kezdegi keramıka ónerkásibiniń sheberligi qazirdiń ózinde de óte joǵary deńgeıde deýge bolatyny týraly aıta kelip, tarıhı jádigerdi túsirgen vıdeony usynǵan.
Shyńjańda Qurban aıtqa 3 kún demalys jáne avtokólikterge jeńildik beriledi - CNR
QHR Shyńjań Uıǵyr avtonomıaly ólkelik Qatynas-tasymal basqarmasynyń málimetinshe, Qurban aıt merekesine oraı 17 maýsymnan 19 maýsymǵa deıin Shyńjańdaǵy aqyly tas joldarda 7 oryndyqtan tómen shaǵyn jeńil avtokólikter aqyly joldardaǵy tólemnen bosatylady, dep habarlaıdy Qytaıdyń «Ortalyq halyq radıosy».
Aıta keteıik, Qurban aıtqa 3 kún demalys berilmek. Soǵan sáıkes, ishinde aqyly joldarda 7 jáne odan az oryndyq avtokólikter tegin júre alady.
«Alaıda, nazar aýdarýǵa tıisti túıin, Qytaıdyń dástúrli Qııaq kúrish merekesinde (8, 9, 10 maýsym kúnderi – avt.) Shyńjańdaǵy aqyly joldarda qatynaý aqysy alynady», dep jazady «Ortalyq halyq radıosy».
Qurban aıt mezgilinde, Shyńjańdaǵy aqyly tas joldarda tegin qatynaý merzimi 17 maýsym kúni saǵat 00:00-den 19 maýsym kúni saǵat 24:00-ge deıin bolady.
Astanada «Tashkent kúnderi» ótedi - «ÓzA»
Tashkent qalasynyń ákimi Shavkat Ýmýrzakov Qazaqstan Respýblıkasynyń Ózbekstandaǵy Tótenshe jáne ókiletti elshisi Beıbit Atamqulovpen kezdesý ótkizdi. Qala ákimdiginiń habarlaýynsha, kezdesýde Sh.Ýmýrzakov elshige respýblıkada otandyq jáne sheteldik kásipkerler úshin jasalǵan qolaıly ınvestıtsııalyq jaǵdaı týraly aıtty, dep habarlaıdy «ÓzA» aqparat agenttigi.
Atalǵan BAQ-tyń málimetinshe, B.Atamqulov Tashkenttiń básekege qabiletti, qalalyq jáne týrıstik ortalyqqa aınalyp, týrıster men kásipkerlerdi kóbirek tartyp jatqanyn aıtyp, qalanyń tsıfrlandyrý, memlekettik qyzmetterdi kórsetý, kóriktendirý jáne naqty jumys tetikterin engizýdegi tájirıbesi jaqsy ekenin jáne osy tájirıbeni úırenýge laıyq ekenin jetkizgen.
«Sondaı-aq, kezdesý barysynda elshi Astana qalasynda «Tashkent kúnderin» ótkizýge jáne Qazaqstan astanasynda Álisher Naýaı músininiń ashylýyn uıymdastyrý usynysy aıtyldy. «Tashkent kúnderi» aıasynda qolóner kórmesi, gastro jármeńkeler, festıval jáne basqa da mádenı sharalardy ótkizý josparlanǵan», dep jazady «ÓzA».
Iran - Azııadaǵy eń kúrdeli transplantatsııa operatsııasynyń kóshbasshy - «Parstoday»
Álemdegi eń kúrdeli, ıaǵnı ishek transplantatsııasy boıynsha Iran Azııada, tipti keıbir jaǵdaılarda álemde kóshbasshy boldy. Іshek transplantatsııasy ǵana emes, qazir deneniń bul az belgili bóligin qalpyna keltirýdiń jańa ádisteri Irandy jaqsy ǵylymı jaǵdaıǵa keltirdi, dep habarlaıdy Irannyń «Parstoday» aqparat agenttigi.
Atalǵan aqparat agenttiginiń habarlaýynsha, Ábý Álı Sına aýrýhanasynyń ishek reabılıtatsııasy bóliminiń meńgerýshisi jáne Irannyń Shıraz medıtsınalyq ǵylymdar ýnıversıtetiniń dotsenti, doktor Hamıd Nıkpýr men onyń ishek transplantatsııasy boıynsha tobynyń ınnovatsııalyq ádisteri basqa elderdiń nazaryna tústi. Tipti amerıkalyq dárigerler de olardan úırenedi.
«Doktor Nıkpýrdyń aıtýynsha, ishek transplantatsııasynyń sátti jasalý salasynda Iran men álem arasyndaǵy ýaqyt aıyrmashylyǵy kóp emes. Irandaǵy alǵashqy sátti ishek transplantatsııasyn 2007 jyly Shırazdaǵy Namazı aýrýhanasynda doktor Nık Ikbalıan jasady. Іshek transplantatsııasy ǵana emes, sonymen qatar kóp múshelerdi transplantatsııalaý Iranda 2010 jyly jasalǵan», dep jazady «Parstoday».
Bul maqalada onyń (doktor Hamıd Nıkpýr) Hamshahri gazetine bergen suhbatynyń úzindilerin usynǵan.
6-shy Etnosport mádenıeti festıvali Stambýlda bastaldy - TRT
Búkilálemdik etnosport konfederatsııasynyń uıymdastyrýymen bıyl 6-shy ret ótetin festıval tórt kúnge sozylady. Stambýl Atatúrik áýejaıynda ótetin sharaǵa kelýshiler barlyq sharalarǵa tegin qatysa alady.
Etnosport mádenıeti festıvaline 30 el qatysady. Festıval barysynda dástúrli sport jáne oıyndar, dástúrli óner, gastronomııa jáne sahna óneri sııaqty kóptegen taqyrypta san alýan is-shara ótkiziledi.
Bul týraly osy aptada Túrkııa Radıo Televızııa portaly habarlady.
Kelýshiler festıval boıynsha dástúrli sport túrleri jáne oıyndardan bastap, tabıǵat pen janýarlar arasyndaǵy baılanystar sııaqty taqyryptarda aqparat alýǵa múmkindik tabady.
Kelýshilerge túrli tájirıbeler usynatyn Búkilálemdik etnosport konfederatsııasy qatysýshylarǵa álemdik gastronomııadan dámder usynady.
Aıta keteıik, atalǵan halyqaralyq is-shara 6-9 maýsym aralyǵynda ótedi.
Sondaı-aq osy aptada «TRT»-da «Qazaqstanda jańa munaı ken oryndary ıgeriledi» degen taqyrypta aqparat jarııalandy.
Túrkııalyq BAQ-tyń keltirgen málimetine súıensek, Qalamqas-teńiz jáne Kaspıı munaı ken oryndarynda teńiz platformalaryn salý jumystary 2026 jyly bastalady.
Aıta keteıik, Qazaqstan Qalamqas-teńiz jáne Kaspıı munaı ken oryndaryn ıgerý jobasyn qolǵa alynyp jatyr. Josparǵa sáıkes, Qalamqas-teńiz ken ornynda teńiz platformalaryn salý jumystary 2026 jyly bastalady.
Qarastyrylyp otyrǵan joba aıasynda 6 mıllıard dollardan astam tikeleı ınvestıtsııa tartýdy josparlap otyr.
