Álemniń 20 elinde koronavırýs ınfektsııasy órship keledi

QR Densaýlyq saqtaý mınıstri Ajar Ǵınııat eldegi epıdemıologııalyq jaǵdaıdy baıandap, koronavırýs shekteýleri qaıta ornaı ma degen suraqqa jaýap berdi, dep habarlaıdy QazAqparat.

«Elimizde koronavırýs boıynsha epıdemıologııalyq jaǵdaı turaqty. Qazir jıyrmadan astam el koronavırýs ınfektsııasynyń órship kele jatqanyn aıtýda. Al bizde ótken jylmen salystyrǵanda kerisinshe 30 esege jýyq tómendeý bar ekenin kórip otyrmyz. Sondyqtan biz muny baqylaýda ustaımyz», - dedi Densaýlyq saqtaý mınıstri Úkimette ótken baspasóz máslıhatynda.

Mınıstrdiń aıtýynsha, qazir de shaǵymdarmen kelip, aýrýhanada emdelip jatqan naýqastar bar. Infektsııalyq statsıonarlar nebári 2% tolǵan.

«Tutas el boıynsha 200 myńnan astam doza (Cinofarm, Pfaizer Commirnaty) vaktsına bar, kez kelgen adam vaktsına ala alady. Epıdemıologııalyq jaǵdaı jaqsy bolǵandyqtan, esh shekteý sharalary bolmaıdy», - dedi Ajar Ǵınııat.