Álemniń 190 eliniń ókilderi ıAdrolyq qarýdy taratpaý týraly shartty kezekti ret pysyqtady
JENEVA. KAZINFORM - Qazaqstannyń tóraǵalyǵymen ıAdrolyq qarýdy taratpaý týraly sharttyń (ıAQTSh) 2026 jylǵy Sholý konferentsııasyna ekinshi Daıyndyq komıteti óz jumysyn bastady. ıAdrolyq qarýdy taratpaý jáne qarýsyzdaný salasyndaǵy qazirgi kúrdeli geosaıası shyndyq jaǵdaıynda ótip jatqan bul mańyzdy oqıǵa Shart erejeleriniń oryndalýyna sholý boıynsha negizgi alań bolyp tabylady.
Іs-sharany ashqan tóraǵa, QR Syrtqy ister mınıstriniń birinshi orynbasary Aqan Rahmetýllın ıAQTSh maqsattaryna qol jetkizý úshin álemdik qaýymdastyqtyń birlesken jumysynyń mańyzdylyǵyn atap ótip, Qazaqstannyń jahandyq ıadrolyq qarýsyzdaný isine beıildiligin rastady.
ıAQTSh-ǵa qatysýshy 190 memlekettiń delegattary aldaǵy eki apta ishinde ıAQTSh-nyń úsh tiregi: ıadrolyq qarýsyzdaný, atom energııasyn taratpaý jáne beıbit maqsatta paıdalaný boıynsha halyqaralyq yntymaqtastyq pen senimdi nyǵaıtýǵa baǵyttalǵan qarqyndy talqylaýlarǵa qatysady.
Ulttyq turǵyda Qazaqstan delegatsııasy ıAdrolyq qarýǵa tyıym salý týraly shartqa (ıAQTSSh) qatysýshy memleketterdiń atynan Birlesken málimdeme jasap, ıadrolyq synaqtardan zardap shekkenderge kómek kórsetý úshin Nysanaly qor qurýdyń mańyzdylyǵyn atap ótti.
Ekinshi Daıyndyq komıtetiniń jumysy 2 tamyzǵa deıin jalǵasady.
1970 jyly kúshine engen ıAdrolyq qarýdy taratpaý týraly shart (ıAQTSh) – ıadrolyq qarýdyń taralýyn boldyrmaýǵa, ıadrolyq qarýsyzdanýǵa járdemdesýge jáne ıadrolyq energııany beıbit maqsatta paıdalanýdy ilgeriletýge baǵyttalǵan irgeli halyqaralyq qujat. ıAQTSh Sholý konferentsııalary bes jyl saıyn sharttyń oryndalýyn baǵalaý jáne onyń maqsattaryna jetýdiń kelesi jumys baǵyttaryn aıqyndaý úshin ótkiziledi.
