Álemniń jetekshi ekonomısteri ofshordy taratýǵa shaqyrdy
ASTANA. QazAqparat - 30 elden úsh júzge jýyq ekonomıster álem kóshbasshylaryn ofshordy taratýǵa shaqyrdy. Olardyń pikirinshe, salyq jeńildikteri aımaǵy «ekonomıkalyq maqsatqa qyzmet etpeıdi» jáne «jalpy álemdik ál-aýqatqa» paıdasy joq.
Bul málimdemeni BAQ dúısenbi, 9 mamyrda Londonda birneshe kúnnen keıin ótetin jemqorlyqpen kúres konferentsııasy qarsańynda taratty. Jıynǵa 40 elden saıasatkerler, Dúnıejúzilik Bank, HVQ ókilderi qatysady.
«Ofshordy toqtatý ońaı bolmaıdy. Sebebi aǵymdaǵy is jaǵdaıyn qalyptastyryp otyrǵandardyń jeke múddeleri bar», - deıdi málimdemeniń avtorlary. Olardyń pikirinshe, «ofshordyń odan ári qajettigine eshqandaı ekonomıkalyq negiz joq.
Aıta ketken jón, avtorlar arasynda - 2015 jylǵy ekonomıkadan Nobel syılyǵynyń laýreaty Angýs Dıton, HVQ burynǵy bas ekonomısi Olıve Blanshar jáne t.b. bar.