Álemniń xas sulýlary EKSPO kezinde Astanaǵa kelmek
ASTANA. QazAqparat - Jyl saıynǵy «Álem Arýy» xalyqaralyq sulýlyq baıqaýynyń 20-dan astam qatysýshysy EKSPO-2017 kezinde Astanaǵa saparlap qaıtýǵa nıet bildirdi, dep xabarlaıdy QazAqparat.
«Álem Arýy» baıqaýynda men bizdiń memleket pen xalyq týraly meılinshe kóp aıtýǵa tyrystym. Ásirese jurtty Astanada ótkeli otyrǵan EKSPO-2017 kórmesi zor qyzyǵýshylyq tanytty. Aıtpaqshy, baıqaýdyń 20-dan astam qatysýshysy EKSPO-2017 kezinde Astanaǵa kelýge nıet bildirdi. Olardyń qatarynda «Álem Arýy» baıqaýynda AQSh, Qytaı, Fılıppın, Indonezııa, Gondýras, Malaızııa, Sıngapýr, Reseı, Kıýrasao, Avstrııa jáne basqa elderden kelgen qyzdar bar. Al «Álem Arýy» baıqaýynyń prezıdenti Paola Shýgart múmkin sol topty Astanaǵa ózi bastap baratynyn aıtty», - deıdi baıqaýda Qazaqstan namysyn qorǵaǵan Darına Qulseıitova óziniń Instagramm paraqshasynda.
Onyń oıynsha, túrli elderden kelgen xas sulýlar Astanaǵa qosymsha týrısterdi tartady. Sonymen qatar ol baıqaý barysynda bolǵan kóptegen kezdesýlerge de toqtaldy. Qulseıitovanyń atap ótkenindeı, Fılıppın prezıdenti jáne Manıladaǵy Izraıl elshiligi ótkizgen arnaıy qabyldaý kezinde Fılıppınniń mádenı jáne isker top ókilderi Qazaqstanǵa erekshe qyzyǵýshylyq tanytqan.
Eske sala keteıik, Darına «Álem Arýy» baıqaýynda úzdik ondyqqa ilige almady. Al baıqaýdyń jeńimpazy bolyp, 23 jasar frantsýz qyzy Irıs Mıttener atandy.
