Álemniń úzdik jaǵajaılary belgili boldy
ASTANA. QazAqparat - Ekologııalyq bilim berý qory (FEE) 2016 jyly Ispanııa jaǵajaılaryn eń úzdik dep tanydy. Bul týraly Ekologııalyq jáne tutynýshylyq aǵartý qaýymdastyǵy (ADEAC) taratqan habarlamada aıtylady, dep jazady Lenta.rý.
Bıylǵy jyly Ispanııa FEE-den jalpy alǵanda 586 kógildir jalaý aldy. Bul erekshelik belgisi jyl saıyn tórt ólshem - sýdyń sapasy, ekologııalyq bilim jáne demalýshylarǵa arnalǵan aqparat, qorshaǵan ortany qorǵaý jáne qaýipsizdikti qamtamasyz etý boıynsha iriktelip beriledi. Osylaısha, el 2015 jyly 577 kógildir jalaý alyp, qol jetkizgen álemdik rekordyn jańartty.
El ishinde jaǵajaılardyń sapasy boıynsha Valensııa (125 jalaý) kósh bastady, ekinshi oryndy Galısııa (123) aldy, úshinshi oryn Katalonııaǵa (98) buıyrdy, tórtinshi orynda - Andalýsııa (75), al besinshi oryn - Balear araldaryna (45) buıyrdy.
Jahandyq reıtıngte ekinshi oryndy 444 jalaý jınaǵan Túrkııa aldy, odan keıin Grekııa (430 jalaý), tórtinshi orynda 400 jalaýmen Frantsııa tur. Úzdikter bestigin 315 sertıfıkat jınaǵan Portýgalııa tuıyqtap otyr.
