Álemniń úzdik sadaqshylary Astanada bas qosady
ASTANA. QazAqparat - Quralaıdy kózge atqan álemniń úzdik sadaqshylary tamyzdyń sońynda Astanada ótetin «Altyn jebe» týrnırinde ózara baq synaspaq, dep habarlaıdy QazAqparat tilshisi.
Aıtýly saıys 2018 jyldyń 30-31 tamyzynda elordadaǵy «Qazanat» atshabarynda ótkiziledi. At ústinde sadaq atýdan ótetin «Altyn jebe» Halyqaralyq týrnıri osymen ekinshi ret ótkizilgeli otyr.
Álemniń sańlaq mergenderi baq synaıtyn saıysta Qazaqstannyń tańdaýly 7 sadaqshysy el namysyn qorǵaıdy.
Týrnırge Germanııa, Majarstan, Ońtústik Afrıka, Ońtústik Koreıa, Bolgarııa, Rýmynııa, Reseı, Mońǵolııa, Qyrǵyzstan elderiniń belgili sadaqshylary kele jatyr.
