Álemniń úzdik boksshylary Astanada AIBA Pro Boxing ІІ kezeńinde saıysqa túsedi
ASTANA. QazAqparat - Álemniń túpkir-túppkirindegi úzdik boksshylar 60 kelige deıingi salmaq sanatynda 21 qarashada Astana qalasyndaǵy «Dáýlet» sport kesheninde ARV (AIBA Pro Boxing) ІІ kezeńinde saıysqa túsedi. ARV 2014 jobasynda sondaı-aq Brazılııa astanasy Rıo-de-Janeırodaǵy Olımpıadalyq oıyndar-2016-ǵa joldamalar sarapqa salynady.
«ARV urystarynyń birinshi kezeńi álemniń 10 elinde oıdaǵydaı bastaldy jáne joǵary deńgeıde uıymdastyryldy. Erteń Astanada ІІ kezeń ótedi, al ІІІ jáne IV kezeńderden keıin ár salmaq sanatyndaǵy chempıondar men júldegerlerdi anyqtaıtyn bolamyz. Bizdiń boksshylarymyz tańerteń medıtsınalyq komıssııadan ótti jáne erteńgi saıysqa ázir ekendikterin qýattady. Matchta Rıo-de-Janeıroda 2016 jyly ótetin Olımpıadalyq oıyndarǵa joldamalar sarapqa salynady», - dedi ARV sýpervaızeri Lýız Bazellı sportshylardy ólsheý rásimine oraı baspasóz máslıhatynda.
ARV matchy ataqty boksshylardy AІVA qamqorshylyǵymen kásibı rıngte sporttyq mansabyn jalǵastyrý múmkindigimen ózine tartady, sonymen qatar olardyń Olımpıadalyq oıyndarǵa qatysý quqyǵyn saqtaıdy.
Osy saıysta lıtsenzııa alýǵa sporttyq sáttiligin synaý múmkindigine qazaqstandyq boksshy Berik Ábdirahmanov ta qatysady, ol fılıppındik qarsylasy Charlı Sýarezben 6 raýndtyq jekpe-jek ótkizedi.
«Búgin Qazaqstan 60 keli salmaq sanatynda álemniń úzdik boksshylarynyń basyn qosyp otyr. Bizdiń sport álemindegi úlken deńgeıge shyǵýymyz elimizdiń Prezıdenti N. Nazarbaevtyń qoldaýy men Qazaqstannyń boks federatsııasynyń prezıdenti T. Qulybaevtyń bastamasy arqasynda boldy. Osyǵan baılanysty olarǵa zor alǵysymyzdy bildiremiz. Mundaı týrnırde jeńip shyǵyp, ARV chempıony ataǵyn ıelený ár sportshynyń jáne jattyqtyrýshynyń armany», - dedi M. Aıtjanov.
Eske sala keteıik, 2014 jyly bastalǵan ARV (AIBA Pro Boxing) jobasy 2016 jylǵy Rıo-de-Janeıroda ótetin Olımpıadalyq oıyndarǵa joldamalar sarapqa salynatyn AІVA-nyń úshinshi negizgi baǵyty, al 2020 jylǵy Olımpıadaǵa ARV arqyly eń kóp lıtsenzııalar beriledi. Matchtar kásibı boks erejelerine sáıkes 6-dan 12 raýndqa deıin ótkiziledi.
Qazaqstanda bul joba Qazaqstandyq boks federatsııasynyń tikeleı qatysýymen jasaldy, onyń basshysy T.Qulybaev ARV boıynsha AІVA vıtse-prezıdenti.
