«Álemniń úzdik avtokóligi-2014» ataǵyna úmitkerler jarııalandy
ASTANA. 8 qarasha. QazAqparat - «Álemniń úzdik avtokóligi-2014» tıtýlyna úmitkerler jarııalandy, dep habarlaıdy «Gazeta.Ru».
Eýropalyq jáne japondyq kólikter «Álemniń úzdik avtokóligi-2014» (World Car of the Year 2014) tıtýlyna úmitkerler jarııalanǵan tizimde basym tur, dep habarlaıdy CarAdvice portaly.
28 úmitkerdiń tizimine 12 eýropalyq avtokólik, jeti japon modeli, AQSh jáne Ońtústik Koreıanyń tórt ókili usynǵan bes kóligi enedi.
Volkswagen «Álemniń úzdik avtokóligi» bes tıtýlynyń tórteýin (Golf - 2009 jyly, Polo - 2010 jyly, Up! - 2012 jyly, Golf - 2013 jyly) utyp alǵanymen, osy joly úmitkerler qataryna enbedi.
Alaıda, tizimge nemis kontserniniń Audi, Seat jáne Skoda sııaqty brendteriniń kólikteri endi.
BMW birden úsh avtokóligin usyndy: i3, 2 Series jáne 4 Series. Ford, Hyundai, Kia jáne Toyota markileriniń árqaısysynan tizimdemege eki model endi.
Sondaı-aq, tizimde Acura MDX, Citroen C4 Picasso, Fiat 500L, Peugeot 308 jáne basqa kólikter bar.
Daýys berýdiń birinshi kezeńi 2014 jylǵy 4 aqpanda ótedi. Oǵan álemniń 21 elinen 66 ókil qatysady. «Álemniń úzdik avtokóligi» sáýir aıynda Nıý-Iork avtosalonynda jarııalanady.
