Álemniń túkpir-túkpirinen kómek joldanǵan tarazdyq búldirshin qyz obyrdan kóz jumdy
ASTANA. QazInform - Reseıdiń Sankt-Peterbýrg qalasyndaǵy aýrýhanalardyń birinde obyrmen kúresip jatqan kishkentaı qazaq qyzy Aıymjan Dosjan kóz jumdy, dep habarlaıdy «QazAqparat» HAA tilshisi.
«Keshir bizdi, búldirshin... Biz úlgere almadyq, sharamyz bolmady... Janyń jannatta bolsyn. Máńgilik bizdiń júregimizdesiń» dep jazdy qyzdyń ata-anasy áleýmettik jelide. Aıymjannyń týysqandary jelige qaldyrǵan sońǵy jazbada jylý jınaý aktsııasynyń jabylǵany aıtady.
Aıymjan neırablastoma dep atalatyn obyr túrimen aýryrǵan bolatyn. Jaman dert onyń boıynan 2 jasynda tabylǵan. 32 hımıoterapııa alǵan qyzǵa isikti alyp tastaý boıynsha eki ota jasaldy.
Aıymjannyń qymbat em-domyna álemniń túkpir-túkpirinen meıirimdi adamdar kómek qoldaryn sozǵan bolatyn.
