Álemniń tanymal monýmentteri Brıtan týynyń túsine boıaldy

ASTANA. QazAqparat - Manchesterde bolǵan terakt qurbandaryn eske alý úshin álemniń tanymal monýmentteri Brıtan týynyń tústerine boıaldy, dep habarlaıdy QazAqparat tilshisi «The Telegraph»  saıtyna silteme jasap.  

 
Dýbaıdaǵy Býrdj-Halıfa munarasy, Orlando qalasyndaǵy sholý sheńberi, Tel-Avıvtegi mýnıtsıpalıtet, Belfasttaǵy Sıtı Holl ǵımaraty, Amsterdamdaǵy Ortalyq vokzal ǵımaraty jáne Londonnyń Ýemblı stadıony Manchesterdegi jarylysta qaza tapqan qurbandardy eske alý úshin «ıÝnıon Djek» túsine boıaldy.

  

Nıý-Iorktegi Empaır-steıt-bıldıng, Parıjdegi Eıfel munarasy syndy ózge de tanymal oryndar aza tutý qurmetine jaryqtaryn sóndirdi.
 

Sonymen birge, Zagreb pen Jenevada sýburqaqtarynda da Ulybrıtanııa týy kórinis tapty.
  

Eske sala ketsek, 22 mamyrda Ulybrıtanııadaǵy Manchester stadıonynda ánshi Arıana Grandeniń kontsertinen keıin jarylys boldy. Saldarynan 22 adam opat bolyp, shamamen 59 beıbit turǵyn jaraqat aldy, kópshiliginiń jaǵdaıy aýyr. Jarylys jaýapkershiligin DAISh terrorıstik uıymy (Qazaqstanda tyıym salynǵan) moınyna aldy.