Álemniń kóptegen eliniń Qazaqstannan úıreneri mol - grekııalyq IPho qatysýshysy
ASTANA. QazAqparat - Álemniń kóptegen eliniń Qazaqstannan úıreneri mol. Bul pikirdi QazAqparat tilshisine osy kúnderi elordada ótip jatqan Fızıkadan 45-shi halyqaralyq olımpıadaǵa qatysýshy Grekııa Zoı Tsangalıdý bildirdi.
«Astanadaǵy olımpıada keremet uıymdastyrylǵan. Búkil álem oqýshylary óz áleýetin kórsetýge, sonymen birge Qazaqstanǵa kelýiniń arqasynda tamasha áserge bólenýge múmkinshilik alyp otyr. Sizderdiń elderińizdiń qarqyndy damýy ári adamdardyń jaıly ómir súrýi úshin barlyq jaǵdaıdyń jasalyp jatqandyǵy anyq baıqalady. Menińshe, álemniń kóptegen eliniń Qazaqstannan úıreneri kóp», - deıdi ol.
Sonymen qatar ol elordaǵa taǵy da mindetti túrde keletindigin atap ótti. «Qalaǵa jasaǵan saıahatymyz barysynda kóptegen qurylys nysandaryn kórdik. Sondyqtan da endi 5 jyldan keıin sizderdiń astanalaryńyzdy taǵy bir márte kórý qyzyqtyrady. Bul qalaǵa taǵy da keletindigime senimdimin. Onyń ústine bul jaqtan kóptegen dostar taptym», - deıdi ol.
Esterińizge sala keteıik, astanada ótip jatqan Fızıka páninen 45-shi halyqaralyq olımpıadaǵa álemniń 85 elinen delegattar qatysýda. Bilim saıysyn QR Bilim jáne ǵylym mınıstrligi men «Daryn» respýblıkalyq ǵylymı-tájirıbelik ortalyq uıymdastyrýda.
