Álemniń kez kelgen jerine terabaıt kólemdegi ınternet beretin jer serigi jasalady
ASTANA. QazAqparat - Amerıkanyń ViaSat kommýnıkatsııalyq kompanııasy álemniń kez kelgen núktesinde joǵary jyldamdyqtaǵy ınternetpen qamtamasyz etetin jańa jerserikterin jasaı bastaǵanyn jarııa etti.
Bul úshin terabaıt aqparat bere alatyn ViaSat-3 jerserikteri paıdalanylady. Ol kólem qalǵan barlyq kommertsııalyq jerserikteriniń ınternet berý múmkindiginen de kóp artyq.
Jobany iske asyrýǵa Boeing kompanııasy da atsalysady, alǵashqy eki ViaSat-3 jerserigi 2019 jyly paıdalanýǵa berilmek. Olardyń kómegimen kabel jelisi arqyly ǵalamtorǵa shyǵý múmkindigi joq jolaýshylar ushaǵyna, muhıttaǵy kemelerge, shalǵaıdaǵy munaı platformalaryna joǵary jyldamyqtaǵy ınternet beriledi.
Qazirgi ýaqytta qoldanystaǵy ViaSat jer seriginiń ǵalamtormen qamtamasyz etý múmkindigi 140 Mbıt/s.
