Álemniń ǵylymı ortalyqtarynda tájirıbeden ótý úshin jyl saıyn 500 ǵalymǵa joldama beriledi - Toqaev
ASTANA. QazAqparat - Jyl saıyn 500 ǵalymǵa álemniń basty ǵylymı ortalyqtarynda tájirıbeden ótý úshin joldama beriledi. Bul týraly búgin Almatyda stýdenttermen jáne jas ǵalymdarmen kezdesken QR Prezıdenti Qasym-Jomart Toqaev aıtty, dep habarlaıdy QazAqparat.
«Biz ýnıversıtetterde ǵylymnyń damýyna jaǵdaı jasaýymyz kerek. Jas ǵalymdardy qoldaý sharalary kúsheıdi. Bıyldyń ózinde 2 myńnan astam jas ǵalym grant arqyly ǵylymı zertteý júrgizýge múmkindik aldy. Jyl saıyn 500 ǵalymǵa álemniń basty ǵylymı ortalyqtarynda tájirıbeden ótý úshin joldama beriledi»,-dedi Prezıdent.
Sondaı-aq memleket basshysy Qazaqstan álemdik arenada básekege qabiletti bolýy úshin tek úırenetin emes, úıretetin elge de aınalýǵa tıis ekenin, ıaǵnı jastarymyz jahandyq deńgeıdegi jańa jobalardy júzege asyryp, ǵylymı jańalyq ashýy kerektigin atap ótti. Jańa patentter, startaptar, fınteh kompanııalar Qazaqstannyń zamanaýı brendine aınalýy qajet.
«Qazir álemde life-long-learning degen uǵym keń tarap jatyr. ıAǵnı, ómir boıy oqý degen sóz. Burynǵy «Bir dıplomym – búkil ómirime azyq» degen ustanym eskirdi. Árbir adam eńbek naryǵyna qajet qabiletterdi meńgerip, zamanǵa beıimdele alsa, árdaıym suranysqa ıe bolady», dedi Qasym-Jomart Toqaev.
Foto: akorda.kz
