«Álemniń eń úzdik boksshysy-2014» úmitkerleriniń kósh basynda Golovkın keledi
ASTANA. QazAqparat - Amerıkalyq BleacherReport basylymy 2014 jyldyń eń úzdik boksshysy ataǵyna úmitkerler tizimin jasady.
2014 jyldyń sońy taıap qalǵan tusta boks áleminde qorytyndylar jasala bastady. Qatarynan 17 márte nokaýt jasaǵan WBA chempıony Gennadıı Golovkın bıyl ázirge Osýmaný Adama men Denıel Gıldi qulatqan bolatyn.
Golovkın bıyl taǵy bir kezdesý ótkizýi ábden yqtımal. Oǵan ózge tanymal boksshylardy jekpe-jekke tartý qıynǵa soǵýda, degenmen «Madison Square Garden» arenasynda ótken kezdesýden keıin ol juldyzdy boksshylardyń qataryna qosylyp keledi. Kezekti judyryqtasýǵa Mıgel Kotto nemese Andre Ýordty shaqyra alsa, Golovkın jyl boksshysy atanatyny sózsiz. Hýlıo Sezar Chavespen kezdeskenniń ózinde qazaqstandyq boksshy bul ataqqa laıyq bolar edi.
«Jyl boksshysy-2014» ataǵyna úmitkerler, BleacherReport:
1. Terens Kroýford (AQSh); 2. Saýl «Kanelo» Alvares (Meksıka); 3. Mıgel Kotto (Pýerto-Rıko); 4. Gennadıı Golovkın (Qazaqstan); 5. Bernard Hopkın (AQSh); 6. Sergeı Kovalev (Reseı); 7. Bermeın Stıvern (Kanada).
