Álemniń eń nashar áýejaılary belgili boldy
ASTANA. QazAqparat - Nıgerııanyń Port-Harkort qalasynyń halyqaralyq áýejaıy álemdegi eń nashar áýejaı bolyp tanyldy. 26 myń adam qatysqan suraý nátıjesin The Independent gazeti jarııalady.
Respondetter Nıgerııa áýejaıyn álemdegi eń jemqor dep ataldy. Suralǵandardyń pikirinshe, ondaǵy termınaldar ózderine jolatpaıdy, al áýejaı qyzmetkerleri sapar shegýshilerge birde-bir suraq boıynsha kómekteskisi kelmeıdi. Ǵımaratta jumsaq oryndyqtar joq, aýany jaqsartý júıesi isten shyqqan, al kelý aımaǵynyń shatyry las.
Ekinshi orynda Saýd Arabııasynyń Jıdda qalasynan 19 shaqyrym jerde ornalasqan Korol Abdýl-Ázız áýejaıy ornalasqan. Ol eldiń adamdar eń kóp júretin jáne kólemi jaǵynan úshinshi áýejaıy bolyp sanalady. Respondentter onyń termınaldaryn «asa toly, beıbereketsiz jáne las» dep ataǵan. Úshtikti Nepal astanasy Katmandýdan 5,5 shaqyrym jerde ornalasqan Trıbhývan halyqaralyq áýejaıy japty.
Tizimde jalǵyz eýropalyq el Frantsııa boldy. Bove qalasynyń áýe aılaǵy 10-shy orynnan kórindi. Saıahatshylar onyń termınaldarynda oryndyqtardyń joq ekenin, az ǵana qyzmetkerleriniń qyrǵı qabaqtyǵyn jáne Wi-Fi-diń qymbat ekenin atap ótti. Reıtıngke sondaı-aq Tashkent halyqaralyq áýejaıy, Venesýela, Gaıtı, Aýǵanstan, Vetnam jáne Pákistannyń áýe aılaqtary kirdi, dep jazady Lenta.rý . Foto: alumetal.ch
