Álemniń eń qymbat qalasy ataldy
ASTANA. Jeltoqsannyń 2-si. QazAqparat - Oslo -álemniń eń qymbat qalasy. Brıtandyq PriceRunner kompanııasynyń sarapshylary osyndaı qorytyndyǵa kelip otyr.
Sarapshylar álemniń iri 33 qalasyndaǵy baǵalardy salystyrǵan. Olar túrli taýarlardyń 26 atalymyn, onyń ishinde «Bıg Mak», sút, kitaptar, kompıýterler sııaqty taýarlardyń baǵalaryn sarapqa salǵan. Nátıjesinde, Norvegııa elordasynda baǵanyń basqa qalalardaǵy ortasha kórsetkishten 35 paıyzǵa joǵarylyǵy anyqtalǵan.
Bul reıtıngte Oslo osymen úshinshi jyl qatarynan kósh bastap keledi. Máskeý bul tizimde 17-shi orynda tur, dep habarlaıdy RSN agenttigi.
