Álemniń eń qymbat fýtbolshysyna ota jasalmaq
ASTANA. 12 qazan. QazAqparat - Madrıdtik "Real" klýbynyń jartylaı qorǵaýshysy Garet Beılge kúrdeli ota jasalmaq. Keıingi kezde fýtbolshynyń arqasyndaǵy syrqaty syr berip, ol jýyqta dárigerlerdiń kómegine júginbekshi, dep habarlady RBK.
Ispandyq Marca gazeti habarlaǵandaı, "Tottenhemadan" aýysqan kezde-aq Beıldiń omyrtqa dıskileriniń jarylǵandyǵy anyqtalyp, onyń tolyqqandy jattyǵý jasaýyna kedergi bolǵan edi.
Beıldiń alańǵa endi qashan shyǵatyny ázirge belgisiz. Ol oǵan ota jasalǵannan keıin ǵana, saýyqtyrý merziminiń uzaqtyǵyna baılanysty bolmaq.
"Real" klýby "Tottenhemge" osy oıynshy úshin 100 mln. eýro tólegen edi. Qazirgi ýaqytta Garet Beıl álemdik fýtbol tarıhyndaǵy eń qymbat satylǵan oıynshy ekendigin esterińizge salamyz.
