Álemniń eń qaýipti qalalary belgili boldy
ASTANA. 9 aqpan. QazAqparat - Meksıkalyq «Qoǵamdyq qaýipsizdik jáne ádildik úshin azamattyq keńes» úkimettik emes uıymy ǵalamshardyń eń qaýipti 50 qalasyn atady. Bul týraly sheteldik BAQ habarlaıdy.
RBK habarlaǵandaı, ekinshi jyl qatarynan reıtıngte gondýrastyq San-Pedro-Sýla qalasy top bastap tur. Jyl saıyn bul jerde 100 myń turǵynǵa 169 qasaqana adam ólimi keledi.
Sarapshylar meksıkalyq Akapýlko kýrortyn ekinshi orynǵa qoıdy: bul jerde jylyna 100 myń turǵynǵa 143 kisi ólimi tirkeledi. Venesýelanyń astanasy Karakas qalasy qaýipti qalalar úshtigine enedi - 119 kisi óltirý oqıǵasy. Gondýrastyń astanalyq okrýgi jáne meksıkandyq Torreon bul reıtıngte sáıkesinshe 4-shi jáne 5-shi orynǵa jaıǵasty.
