Álemniń eń kári turǵyny 116 jasqa keldi
ASTANA. QazAqparat - Jer sharyndaǵy eń kári adam, japondyq Mısao Okava óziniń 116 jasqa kelgenin toılap jatyr. Jer sharynyń kári turǵyny retinde ol resmı túrde ótken jyldyń maýsymynda tanylyp, Gınnestiń rekordtar kitabynyń dıplomymen rastalǵan, dep habarlaıdy ITAR-TASS.
Mısao Okava mundaı dárejege ótken jyly buǵan deıin álemdegi eń kári adam sanalǵan Dzıroemon Kımýra 117 jasynda ómirden ótkennen keıin ıe bolǵan. Marqum Kımýra da Japonııanyń turǵyny bolyp edi.
Qazirgi rekordshy keıýana 1898 jyly 5 naýryzda dástúrli japon kımonosyn satatyn dúken ıesiniń otbasynda dúnıege kelgen. Uzaq ǵumyrynda ol 3 balany ómirge ákelgen. Olardyń ekeýi uzaq ǵumyr keshýdiń úlgisi bolyp otyr. Naqtyraq aıtsaq, Mısao Okavanyń eki balasynyń jasy toqsannan asty. «Men árqashan dámdi taǵamdy kóp jeıtinmin, uzaq ómir súrýdiń syry osynda shyǵar. Árıne, taǵy bir mańyzdysy, uıqyny qandyryp demalý kerek», - dedi Okava jýrnalısterge bergen suhbatynda.
