Álemniń eń baı sportshy qyzdarynyń esimderi belgili boldy
ASTANA. QazAqparat - Amerıkalyq tennısshi Serena Ýılıams taǵy da eń kóp aqy tólenetin sportshy qyzy atandy.
Forbes jýrnalynyń derekteri boıynsha, sońǵy jyly Ýılıams 27 mln dollar tapqan. Bul túrli týrnırlerdegi jeńisiniń júldeleri men jarnamadan jáne túrli sharalardan túsken tabystary.
Ekinshi orynda taǵy bir tennısshi Germanııa sportshysy Angelık Kerber. Onyń sońǵy jylǵy tabysy 12,6 mln dollardy qurady. Úshinshi orynǵa 12,2 mln dollarmen amerıkalyq avtoshabandoz Danıka Patrık jaıǵasty.
Sondaı-aq bestikke Serena Ýılıamstyń ápkesi Vınýs ta kirip otyr. Ol 10,5 mln dollar tapqan.
