Álemniń eń baı adamy anyqtaldy - Forbes jýrnaly
STANA. Naýryzdyń 11-i. QazAqparat - Meksıkalyq 70 jastaǵy telekommýnıkatsııalyq magnat Karlos Slım Forbes jýrnalynyń esebi boıynsha álemniń eń baı adamy dep atalyp otyr. Onyń dúnıe-múlki 53,5 mıllıard dollarǵa baǵalanýda.
Sońǵy birneshe jyl boıy álemniń eń baı úsh adamynyń tiziminen túspeı otyrǵan K.Slım Telefonos de Mexico kompanııasyn basqarady, sondaı-aq New York Times basylymynyń jáne Globo Corso korporatsııasynyń aktsııalarynyń basym paıyzyna ıelik etedi.
Karlos Slımnen keıingi orynǵa Microsoft kompanııasynyń negizin qalaýshy jáne onyń basshysy Bıll Geıts taban tirep otyr, onyń baılyǵy - 53 mıllıard dollar shamasynda. Al byltyr ǵana baı-manaptardyń tiziminde kósh bastaǵan amerıkandyq mıllıarder Ýorren Baffet bıyl 47 mıllıard dollar baılyqpen tek úshinshi oryndy qanaǵat tutyp otyr.
Taǵy bir aıta ketetin jaıt, alǵash ret Pákistan jáne Fınlıandııa sııaqty elderdiń óz mıllıarderi paıda bolyp otyr.
Al Reseıdiń atynan Forbes tizimine 62 mıllıarder kirgen.
