Álemniń eń baı adamdary bir kúnde 139 mlrd dollar joǵaltty
NЬıÝ-IORK. QazAqparat – AQSh pen basqa da elderde qor saýdasyndaǵy ındeksterdiń aıtarlyqtaı tómendeýine baılanysty álemniń eń baı 500 adamynyń jıyntyq jaǵdaıy dúısenbi kúni shamamen 139 mlrd dollarǵa qysqardy. Bul týraly Bloomberg agenttigi jarııalady.
Bul – 2016 jyldyń qazan aıynda agenttik osyndaı baqylaýlar júrgize bastaǵan sátten bastap eseptegendegi reıtıngke engizilgen adamdardyń joǵaltqan eń kóp shyǵyndary. LVMH (Louis Vuitton Moet Hennessy) frantsýz kompanııa tobynyń bas dırektory Bernar Arno men Amazon korporatsııasynyń basshysy Djeff Bezostyń árqaısysy 4,8 mlrd dollardan aıyrylǵan. Olar - tizimge engen asa baı bıznesmenderdiń arasyndaǵy eń kóp shyǵynǵa ushyraǵandar. Bezos burynǵysha álemdegi eń baı adam, al Arno atalǵan kórsetkish boıynsha úshinshi orynda tur. Zara ıspandyq saýda jelisiniń qojaıyny Amansıo Orteganyń jaǵdaıy 4 mlrd dollarǵa, Facebook kompanııasynyń basshysy Mark Tsýkerbergtiki 3,48 mlrd dollarǵa, al Google kompanııasynyń negizin qalaýshy Larrı Peıdjdiki 2,7 mlrd dollarǵa azaıǵan.
Agenttiktiń baǵalaýyna sáıkes, reseılik mıllıarderlerdiń ishinen sońǵy táýlikte «Lýkoıldyń» prezıdenti Vagıt Alekperov bárinen kóp aqsha joǵaltty. Onyń qarjysy 1,21 mlrd-qa azaıǵan. Ekinshi orynda – «Novateka» basshysy Leonıd Mıhelson (692 mln dollar), úshinshi orynda «Lýkoıl» vıtse-prezıdenti Leonıd Fedýn (508 mln dollar).
AQSh-taǵy qor saýdasy dúısenbi kúni jańa koronavırýstyń taralýy álemdik ekonomıkaǵa zalal keltirýi múmkin degen qaýipterge oraı baǵa belgilenimderiniń tómendeýimen aıaqtaldy.
