Álemniń eń baı 100 adamy kedeıshilikti joıa alady: Davos forýmyna usynystar
ASTANA. 20 qańtar. QazAqparat - Oxfam brıtandyq qaıyrymdylyq qorynyń málimetteri boıynsha, ǵalamshardyń eń baı 100 adamy ótken jyly álemdi kedeıshilikten qutqara alatyndaı tabys tapty.
Oxfam-nyń paıymynsha, álemniń eń kedeı sanatyndaǵylardyń jaǵdaıyn túzeý úshin sýperbaılardyń alǵashqy júzdiginiń ótken jyly tapqan tabysynyń 25 paıyzy da jeter edi, dep habarlaıdy Bı-Bı-Sı.
Oxfam-nyń aıtýynsha, atalmysh júzdiktiń 2012 jylǵy tabysy 240 mıllıard dollardy qurady.
Bul rette uıym, halyqtyń jarly sanatyndaǵylar kúnine adam basyna shaqqanda 1,25 dollar tabys tabatyndyǵyn atap ótýde.
Davosta keler aptada ashylatyn Dúnıejúzilik ekonomıkalyq forým qarsańynda Oxfam iri bıznes pen álemdik kóshbasshylardy kedeıshilikpen jáne teńsizdikpen kúresý úshin barlyq kúsh-jigerlerdi salýǵa shaqyrdy.
«Teńsizdik quny: aıtqysyz dáýletter men ekstremaldyq joǵary tabystar barlyǵymyzǵa zııa tıgizip otyrǵandyǵy týraly» taqyrybymen usynylǵan Oxfam baıandamasynda atap ótilgendeı, aǵymdaǵy jahandyq ekonomıkalyq júıeni «ol barlyq adamzattyń múddesine jumys isteıtindeı» etip qaıta reformalaý qajet.
