Álemniń eń aýqatty adamdary bir kúnde 11 mıllıard dollardan aıyryldy
ASTANA. 8 naýryz. QazAqparat - Ǵalamshardyń jıyrma eń aýqatty adamy beısenbi kúni, 6 naýryzda bırja baǵamdarynyń tómendeýi saldarynan 11,3 mıllıard dollardan aıyryldy. Bul týraly Bloomberg óz esepterine súıenip málim etti, dep habarlady Lenta.rý.
Álemdegi iri ArcelorMittal qurysh quıý kompanııasynyń basshysy Lakshmı Mıttal (Lakshmi Mittal) bárinen de kóp zııanǵa batty. Onyń dáýleti 918 mıllıon dollarǵa azaıdy.
Berkshire Hathaway ınvestıtsııalq qorynyń basshysy Ýorren Baffet 407,3 mıllıon dollarymen qoshtasty. Onyń dáýleti 43,9 mıllıard dollarǵa deıin tómendedi.
"Lıýks" sanatyndaǵy ónimderdi satatyn Moet Hennessy Louis Vuitton kompanııasynyń ıesi Bernar Arno (Bernard Arnault) jáne Inditex eýropalyq rıterlerdegi baqylaý býmasynyń menshik ıesi Amansıo Ortega (Amancio Ortega) jalpy alǵanda 1,2 mıllıard dollar aqshalarynan aıyryldy
Microsoft kompanııasynyń negizin qalaýshy Bıll Geıts 805,4 mıllıon dollaryn joǵaltty. Onyń dáýleti 61,3 mıllıard dollarǵa deıin qysqardy.
Sondaı-aq Ferrero shokolady óndirisiniń ıesi Mıshel Ferrero (Michele Ferrero) men Las Vegas Sands kazınosy operatorynyń basshysy Sheldon Adelson (Sheldon Adelson). 765,5 mıllıon dollarǵa kedeılendi.
6 naýryzda Standard & Poor's 500 ındeksi 1,5 paıyzǵa tómendedi. Eýropanyń saýda alańdary ortasha eseppen 1,8-3,6 paıyzǵa quldyrady. Qor naryǵyna eýroaımaq statıstıkasy keri áser etti, 2011 jyldyń tórtinshi toqsanynda aımaqta ІJÓ 0,3 paıyzǵa qysqardy. Sonymen qatar Grekııanyń boryshtaryn qaıta qurylymdaý jospary da ınvestorlardyń onsha senimin týǵyzyp otyrǵan joq.
Bloomberg kún saıyn ǵalamshardyń jıyrma eń baqýatty adamdarynyń dáýletin eseptep otyrady. Agenttik reıtıngisinde reseılik jáne qytaılyq kásipkerler joq.
