Álemniń eks-chempıony Jaqııanov-Barnett jubynyń jeńimpazymen aıqasty kútýde
ASTANA. QazAqparat - IBF tujyrymy boıynsha asa jeńil salmaqtaǵy burynǵy álem chempıony, brıtanııalyq Pol Batler (24-1, 13 KO) óz josparlary týraly aıtyp berdi, dep habarlaıdy Sports.kz. Máselen, Batler kelesi jyly qazaqstandyq Janat Jaqııanov (27-1, 18 KO) pen soltústikırlandııalyq Raıan Barnett (17-0, 9 KO) arasyndaǵy biriktirilgen jekpe-jektiń jeńimpazymen judyryqtasýǵa nıetti.
«Alda birneshe úlken aıqastarym bar. Kópshilik menimen óz erkimen judyryqtasady dep oılamaımyn, tek úlken aqshalar úshin ǵana. Djeımı Makdonnell jekpe-jek ótkizýge usynys bildirgen bolatyn. Eger jeńsem, men úshin barlyq esikter ashylady. Onyń ústine, Jaqııanov-Barnet jekpe-jeginiń jeńimpazy bar. Demek, eger barlyǵy jospardaǵydaı bolsa, keler jyl men úshin aıtýly oqıǵalarǵa toly bolady», - dedi Batler Daily Star-ǵa bergen suhbatynda.
WBA (Super) jáne IBF nusqalary boıynsha álem chempıony tıtýldarynyń taǵdyry sheshiletin Jaqııanov - Barnett jekpe-jegi 21 qazanda Soltústik Irlandııanyń Belfast qalasynda ótedi. 1XBET býkmekerlik keńsesi osy jekpe-jekke mynadaı koeffıtsıent usynyp otyr: Barnettiń jeńisine - 1.4, Jaqııanovtyń jeńisine - 3.38, teń nátıjege - 26.
