Álemniń eki dúrkin chempıony Nazym Qyzaıbaı Azıadada júldesiz qaldy

ASTANA. QazAqparat - Jakartada ótip jatqan Azııa oıyndarynda bokstan álemniń eki dúrkin chempıony Nazym Qyzaıbaı da jarysty júldesiz aıaqtady, dep habarlaıdy QazAqparat tilshisi.

QR Ulttyq olımpıada komıteti baspasóz qyzmetiniń habarlaýynsha, búgin shırek fınal básekesinde áıelder arasynda 51 kelide el namysyn qorǵaǵan Nazym Qyzaıbaı taıpeılik sportshydan jeńilip, Azııa oıyndaryn aıaqtady.

Sonymen qatar, búgin erler arasynda 75 kelige deıingi salmaqta judyryqtasatyn Ábilhan Amanqul Azııa oıyndarynyń jartylaı fınalyna ótti. Ábilhan taıpeılik boksshymen kezdesip, qarsylasyn eki ret eseńgiretti.

Jekpe-jek nátıjesi boıynsha aıqyn basymdyqpen jeńiske jetken Ábilhan endi Azııa oıyndarynyń jartylaı fınalynda judyryqtasady. Ábilhannyń kelesi qarsylasy - úndistandyq Vıkas Krıshan.

Esterińizge sala keteıik, osyǵan deıin jarys jolynda úsh boksshy qalǵanyn jarııalaǵan bolatynbyz.