Álemniń burynǵy chempıony Golovkınge qarsylas taýyp berdi

ASTANA. QazAqparat - Álemniń burynǵy chempıony Denıel Djeıkobs qazaqstandyq boksshy Gennadıı Golovkın IBF nusqasy boıynsha álem chempıony tıtýlyna úmitker Sergeı Derevıanchenkomen jekpe-jekke shyǵýy kerek dep esepteıdi. Bul týraly Sports.kz habarlaıdy.

«Golovkın Derevıanchenkomen aıqasqa shyǵýy kerek. Bul eki boksshy úshin tıimdi bolmaq. Men Sergeı mundaı múmkindikke ıe bolyp, Gennadııge qarsy jekpe-jekke shyqsa qýanar edim. Bul bıznes turǵysynan qaraǵan kezde tıimdi dep aıtpasam da, sport úshin mańyzdy bolmaq», - dedi The Daily Express-ke bergen suhbatynda Djeıkobs.

Eske sala keteıik, Gennadıı Golovkın men Sergeı Derevıanchenko kelisimge kelgen bolatyn.