Álemniń birqatar elinde koronavırýstyń taralýy boıynsha táýliktik antırekord tirkeldi

NUR-SULTAN. QazAqparat – QazAqparat COVID-19 taralýyna jol bermeý jónindegi VAK telegram kanalyna silteme jasaı otyryp álemdegi koronavırýstyń taralý ahýalyna sholý jasaıdy.

Vetnamdaǵy Hoshımın bıligi qalada komendanttyq saǵat engizdi. Qaýlyǵa sáıkes 26 shildeden bastap qala turǵyndarynyń kóshege shyǵýyna shekteý qoıylyp, qaladaǵy barlyq qyzmet kelesi kúni saǵat 18:00-den 06:00-ge deıin toqtatylady. Tek tótenshe qyzmetterdiń jumysyna ruqsat etiledi.

Slovakııa Parlamenti elde koronavırýs jaǵdaıynyń órshý kezeńine baılanysty Zań qabyldady. Zańǵa sáıkes qoǵamdyq oryndarǵa barǵan kezde kelýshilerden koronavırýsty anyqtaýǵa tapsyrylǵan testtiń teris nátıjesi týraly anyqtama, COVID-19 vırýsynan saýyqqandyǵy týraly anyqtama nemese vaktsınatsııa týraly sertıfıkat talap etiletin bolady.
Birqatar elderde koronavırýs juqtyrýdyń jańa jaǵdaılary boıynsha táýliktik antırekordtar tirkeldi: Malaızııada 17 045 jaǵdaı, Taılandta 15 335 derek, Qazaqstanda 6 631 jaǵdaı anyqtaldy.