Álemniń birqatar elinde koronavırýs juqtyrýdyń táýliktik antırekordy tirkeldi
NUR-SULTAN. QazAqparat - Sıdneıde COVID-19 naýqastary sanynyń ósýine baılanysty karantın bir aıǵa uzartyldy. Bul týraly QazAqparat COVID-19 taralýyna jol bermeý jónindegi VAK telegram kanalyna silteme jasap habarlaıdy.
Dúısenbi, 23 tamyzdan bastap kúshine enetin jańa shekteýlerdiń ishinde megapolıstiń 12 aýdanynda 21:00-den 05:00-ge deıin komendanttyq saǵat engiziledi jáne úıden tys jerde maska kııý talap etiledi.
Chernogorııa epıdemııalyq jaǵdaıdyń nasharlaýyna baılanysty sheteldikterdiń elge kirý sharttaryn qatańdatty. Sondaı-aq, elde ashyq aspan astynda 50-den astam eresek adamnyń jınalýyna tyıym salynady.Birqatar elderde koronavırýs juqtyrǵandardyń táýliktik sanynyń ósýi boıynsha antırekordtar tirkeldi: Japonııada 25 155 jaǵdaı, Malaızııada 23 564 jaǵdaı, Fılıppınde 14 895 jaǵdaı anyqtaldy.
